|
Health and Wellness / דאָס געזונט און געזונט־זײַן
דאָס געזונט־זײַן הייסט פֿילן זיך געזונט אין אַלע אַספּעקטן – נישט נאָר פֿיזיש, נאָר אויך גײַסטיק און עמאָציאָנעל. גוטע געזונט־טבֿעס נעמען אַרײַן: דאָס אויסשפּאַנען זיך, אָפּניכטערן זיך פֿון עסן חזירײַ און אַנדערע נישט־געזונטע פּראָדוקטן; עסן נערעוודיקע שפּײַזן; מאַכן געניטונגען; און פּראַקטיצירן זיך־וויסיקייט. דאָס וועט במילא דערפֿירן צון אַ שטאַרקערן פֿיזישן כּוח און אויסדויער־כּוח, אַ קלאָרערן פֿאָקוס, ווייניקער דרוק, ווייניקער פֿאַרלוירענע שעהען צוליב פֿאַרקילונג, גריפּ און אַנדערע קרענק, פֿילן זיך אויסגעשלאָפֿן, און בכלל אַ בעסערן גײַסטיקן געזונט.
[DOS GEZÚNT-ZAYN HEYST FILN ZIKh GEZÚNT IN ÁLE ASPÉKTN – NIShT NOR FÍZISh, NOR OYKH GÁYSTIK UN EMOTSYONÉL. GÚTE GEZÚNT-TÉVES NÉMEN ARÁYN: DOS ÓYSShPANEN ZIKh, ÓPNÍKhTERN ZIKh FUN KhAZERÁY UN ÁNDERE NÍShT–GEZÚNTE PRODÚKTN; ESN NÉREVDIKE ShPAYZN; MAKhN GENÍTUNGEN; UN PRAKTITSÍRN ZÍKh–VÍSIKEYT. DOS VET BEMÉYLE DERFÍRN TSUN A ShTÁRKERN FÍZIShN KÓYEKh UN ÓYSDOYER-KÓYEKh, A KLÓRERN FÓKUS, VÉYNIKER DRUK, VÉYNIKER FARLÓYRENE ShÓEN TSULÍB FARKÍLUNG, GRIP UN ÁNDERE KRENK, FILN ZIKh ÓYSGEShLOFN, UN BIKhLÁL A BÉSERN GÁYSTIKN GEZÚNT.]
Wellness involves feeling good in every respect – not just physically, but also spiritually and emotionally. Good health habits include: relaxing; detoxing from junk food and other unhealthy products; eating nutritious foods; getting exercise; and practicing mindfulness. These will in turn lead to: increased energy and stamina; better focus; less stress; less lost time due to colds, flu, infections and other illnesses; more restful sleep; and improved mental health.
detox (oneself): אָפּניכטערן זיך
[ÓPNÍKhTERN ZIKh]
exercise (v.): מאַכן געניטונגען; געניטן זיך
[MAKhN GENÍTUNGEN; GENÍTN ZIKh]
holistic: האָליסטיש
[HOLÍSTISh]
stay hydrated: בלײַבן הידרירט; נישט אויסגעטריקנט ווערן
[BLAYBN HIDRÍRT; NIShT ÓYSGETRIKNT VERN]
junk food: דאָס חזירײַ
[DOS KhAZERÁY]
mindfulness: די/דאָס זיך־װיסיקײט
[DI/DOS ZÍKh-VÍSIKEYT]
nutritious: נער(עווד)יק; שפּײַזיק
[NÉR(EVD)IK; ShPÁYZIK]
relax (vi.): אָפּרוען זיך; אױסשפּאַנען זיך; אָפּשפּאַנען זיך
[ÓPRUEN ZIKh; ÓYSShPANEN ZIKh; ÓPShPANEN ZIKh]
get into shape: אױסגימנאַסטיקירן זיך; אַרײַנקומען אין גוטער פֿאָרעם
[ÓYSGIMNASTIKÍRN ZIKh; ARÁYNKUMEN IN GÚTER FÓREM]
get enough sleep: אױסשלאָפֿן זיך
[ÓYSShLOFN ZIKh]
manage/cope with stress: ספּראַװע|ן זיך מיט דרוק; געבן זיך אַן עצה מיט דרוק
[SPRÁVE|N ZIKh MIT DRUK; GEBN ZIKh AN ÉYTSE MIT DRUK]
stamina: דער אױסהאַלט־כּוח; דער אױסדױער
[DER ÓYSHALT-KÓYEKh; DER ÓYSDOYER]
well-being: דאָס װױלזײַן
[DOS VÓYLZAYN]
wellness: דאָס געזונט; דאָס געזונט־זײַן
[DOS GEZÚNT; DOS GEZÚNT-ZAYN]
Image: Celia Dropkin “פֿרוכט־הענדלער” / “Fruit Vendor”
|
